Elordada Halyqaralyq Qazaq kuresi federatsiiasy, Dúniejúzilik qazaq kúresi federatsiiasy jáne Respýblikalyq qazaq kúresi federatsiiasynyń birlesken kongresinde sala mamandarynyń qoldaýymen Qazaq kuresi qaýymdastyǵy quryldy, dep habarlaidy "Ult aqparat".
Qaýymdastyqtyń prezidenti qyzmetine Kárim Másimov sailandy.
«Búgin biz qazaq kúresi tarihynyń jańa paraǵyn ashý úshin jinalyp otyrmyz. Osy kezge deiin Qazaqstanda Qazaqsha kúres federatsiiasy qurylǵan bolatyn. Elimizde respýblikalyq jarystar, halyqaralyq kezdesýler ótkizilýde. Biz qazaq kúresin Olimpiada qataryna kirgizýdi maqsat etip otyrmyz, sol sebepti Qazaqstan barysy, Qazaqsha kúres uiymdaryn biriktiretin Qazaq kuresi assotsiatsiia quryldy», - deidi Kárim Másimov.
Ol búgingi tańda qazaq kúresiniń deńgeii óte joǵary dep baǵalaýǵa bolatynyn aitty.
«Eli ishindegi chempionattar men týrnirlerdiń deńgeii jalpy halyqtyń qyzyǵýshylyǵyn arttyryp keledi. Sondai-aq, ulttyq kúrestiń beinesi álemdik deńgeide qalyptasyp úlgerdi. Aziia, Eýropa, álem chempionattary turaqty túrde ótkizilýde. Osy rette respýblikalyq federatsiia tarapynan qazaq kúresin mektep baǵdarlamasyna engizý jumystary bastaldy. Aldaǵy oqý jyly Nur-Sultan qalasyndaǵy 5 mektepte variativti negizde engiziledi. Qazaq kúresiniń elimizdegi bilim salasyna enýin Qazaq kúresi akademiiasy júzege asyratyn bolatyn. Bul ulttyq kúrestiń baǵyndyrǵan bir belesi», - dedi Kárim Másimov.
