Elimizde tótenshe jaǵdai jariialanyp, qashyqtan jumys isteýge aýysqaly kitaphanashylardyń jumysy da kóbeie tústi. Qalamgerlermen onlain kezdesýler ótkizilip, oqyrmandardyń kóńilinen shyǵatyn talai igi sharaǵa jol ashyldy.
Osyǵan deiin «Taldyqorǵan qalasynyń ortalyqtandyrylǵan kitaphanalar júiesine» qarasty qalalyq ortalyq balalar kitaphanasynyń uiymdastyrýymen "Feisbýk" áleýmettik jeli paraqshasynda birtalai kezdesýler ótip, kitap kórmeleriniń tanystyrylymy jasaldy. Jýyrda Qazaq handyǵynyń 555 jyldyǵyna orai, jýrnalist, "Jetisý" gazetiniń tilshisi Qajet Andaspen onlain dáris ótkizildi.
Kezdesý barysynda eń aldymen Qajet Andastyń Qazaq handyǵynyń 550 jyldyǵyna orai Almaty oblysynyń ákimi Amandyq Batalovtyń qoldaýymen shyqqan «Uly dala shejiresi» atty kitaby jaily aityldy. Odan keiin avtor Qazaq handyǵynyń qurylýy, ondaǵy bilik jylnamasy, áigili astanalar men erlik joryqtary jáne qazaq memlekettigi tarihyndaǵy qazaq qyzdarynyń róli týraly tyń derekterimen bólisti. Dáris barysynda oqyrmandar tarapynan 58 suraq qoiylyp, 187 oń pikir jazyldy. Jalpy, bir saǵatqa sozylǵan dáris barysynda eki myńnan asa qaralym boldy.
Qazaq handyǵynyń tarihy osy bir saǵattyq dárispen bitpesi anyq. Oqyrmandardyń talaby boiynsha bul dáristi aldaǵy ýaqytta da jalǵastyrmaq niettemiz.
Farida JAQYPOVA,
Taldyqorǵan qalalyq ortalyq balalar kitaphanasynyń bólim meńgerýshisi
