Foto:KFF
Májilis depýtaty Qazybek Isa elimizde Fýtboldy qarjylandyrýdy toqtatý kerek dep esepteidi dep habarlaidy "Ult Aqparat".
"2021 jyly depýtattyq saýal jasalǵan. Óitkeni sporttaǵy eń kóp qarjy osy fýtbolǵa bólingen. Ol kezde Frantsiiadan 8 de 0 bolyp utylǵan edi, biyl Grekiiadan 5 te 0 bolyp utyldy. Iaǵni úsh gol tómendeppiz. Jetistik sol. Sol kezde 49 klýb bolǵan. Sol kezde biz aqshanyń bári qaida ketip jatyr dedik. Sol kezde oblystyq biýdjetten klýbtarǵan 111 de 2 mlrd. aqsha bólingen. Al álemdik sport deńgeiin aiqyndap otyratyn "Transfermarkt" jalpy 133 mlrd. teńge bólindi degen. "Qazaq fýtbolynda gol joq, al qazaq aýylynda jol joq" dep aitqanym sol. Birinshiden bul aqsha qalai bólinip jatyr? Ekinshiden, bul qarajat kimge ketip jatyr? Bizde 2021 jylǵy 49 klýbtyń ishinde premer ligadaǵy 371 fýtbolshynyń 150-i, iaǵni jartysyna jýyǵy legioner. Tipti birinshi ligadan da 16 fýtbolist bar. Sonda bul aqshalardyń jartysynan kóbi shetel asyp ketip jatyr", -deidi Qazybek Isa óz sózinde.
