Foto: Alex Pantling/Getty Images
Qazaq bapkeri Esbol Sultanov jattyqtyratyn týnistik taekvondoshy olimpiada oiyndarynyń qola júldegeri atandy.
Esbol Sultanov baptaityn Týnis quramasynyń taekvondoshysy Mohamed Halil Jendýbi Parij olimpiadasynda úzdikter qatarynan kórindi. Erler arasynda 58 keli salmaqta synǵa túsken sportshy jartylai finalda koreilik Taejýn Parkten jeńilip, qola júldeni qanaǵat tutty.Sondai-aq Esbol Sultanov jattyqtyratyn Týnis eliniń 4 taekvondoshysy Parij olimpidasynda joldama alǵan. Ókinishke qarai, bul salmaqta synǵa túsken qazaqstandyq Samirhon Ababakirov alǵashqy ainalymda italiialyq Vito Dell'akviladan jeńilip qalǵan edi.
Aita keteiik, Esbol Sultanov Qazaqstan quramasynyń sapynda 2007 jyly Beijińde ótken álem chempionatyna qatysqan. Odan bólek, taekvondoshy 2006 jyly Dohada ótken Aziia oiyndarynda da óner kórsetken bolatyn.
