Almatyda "Qazaq Arýy-2018" sán baiqaýynyń aqtyq syny ótti, - dep habarlaidy Tengrinews.kz tilshisi. Bul konkýrsta bas júldege ie bolǵan aqtaýlyq Nábira Rahymjan boldy.
Birinshi oryn qaraǵandylyq arý Aqbota Baqytqaliǵa, ekinshi oryn - shymkenttik Aqmaral Aitbaevaǵa jáne úshinshi oryn Reseiden kelgen Samal Mýradievaǵa buiyrdy.
Munyń aldynda uiymdastyrý komiteti bul baiqaýǵa bes el - Resei, Túrkiia, Qyrǵyzstan, Mońǵoliia jáne Ózbekstan qatysatynyn málimdegen bolatyn. Alaida Túrkiia ókili konkýrsqa kele almady, al aqtyq synǵa 16 qyz ótken bolatyn.
Konkýrs barysynda qatysýshylar Qazaqstannyń estrada juldyzdarymen birge án oryndady jáne kórermenderge unaǵan ózge de qyzyqty baiqaýlar boldy.
"Qazaq arýy" Qazaqstanda osymen segizinshi ret ótip otyr. Bul baiqaýǵa qatysýdyń basty sharty - qazaq tilin jetik bilý. Sonymen qatar, qazaq halqynyń tarihy, ádebieti men salt-dástúri týraly da habardar bolý qajet. Al bul sulýlyq baiqaýy bolǵandyqtan, qatysýshylar bilimimen qatar sulýlyǵyn da kórsete alý kerek.
