«QazAgro» Ulttyq basqarýshy holdingi» AQ «Baiterek» Ulttyq basqarýshy holdingi» AQ quramyna kirdi.
Bul jaiynda Qazaqstannyń qor birjasynan málim etti, dep habarlaidy "Ult aqparat".
«Obligatsiialary Qazaqstan qor birjasynyń resmi tiziminde turǵan «Baiterek» Ulttyq basqarýshy holdingi» AQ (Nur-Sultan) Qazaqstan qor birjasyna (KASE), 2021 jyldyń 15 naýryzyndaǵy jalǵyz aktsioneriniń sheshimderi týraly habarlady. Jalǵyz aktsioneri birneshe sheshim qabyldady», - delingen birja taratqan aqparatta.
Atalǵan sheshimderdiń qatarynda «Baiterek» Ulttyq basqarýshy holdingi» AQ-yna «QazAgro» Ulttyq basqarýshy holdingi» AQ-ty qosý arqyly holdingti qaita qurý, «QazAgro» Ulttyq basqarýshy holdingi» AQ ornalastyrylǵan aktsiialary sany sheginde 585 352 214 dana aktsiialaryn bir aktsiiaǵa 366,85 teńgeden «Baiterek» Ulttyq basqarýshy holdingi» aktsionerlik qoǵamyna satý bar.
Jalpy, jalǵyz aktsioner barlyǵy 12 másele boiynsha sheshim qabyldaǵan.
Osylaisha, «Báiterek» holdinginiń quramyna burynǵy «QazAgronyń» úsh enshiles uiymy - «Agrarlyq nesie korporatsiiasy» AQ, «QazAgroQarjy» AQ jáne «Aýyl sharýashylyǵyn qarjylai qoldaý qory» AQ kirdi.
