KAZ Minerals kompaniialar tobynyń baspasóz qyzmeti Shyǵysy Qazaqstandaǵy Orlov kenishiniń aýmaǵynda jazym bolǵan jigit týraly aqparat berdi, dep habarlaidy "Ult aqparat".
Kompaniianyń Shyǵys Qazaqstan oblysy boiynsha buqaramen bailanys menedjeri Ermek Dúzkenovtiń aitýynsha, opyrylǵan taý jynysynyń astynda qalǵan bekitýshi Abai aýdanynyń týmasy bolǵan.
«Qaitys bolǵan jigit 1985 jyly Abai aýdanynda dúniege kelgen. Artynda 2 balasy qaldy. Bekitýshi bolyp jumys istep júrgen. Tóbedegi tas kesegi qulaǵanda qasyndaǵy jigit qashyp úlgergen. Al marqum kesektiń týra astynda turǵandyqtan, qashyp kete almaǵan», - deidi Ermek Dúzkenov.
Oqiǵanyń anyq-qanyǵyn arnaiy qurylǵan tergeý komissisiasy anyqtap jatyr. KAZ Minerals kompaniiasy jazym bolǵan kenshiniń otbasyna qansha ótemaqy tóleý kerektigin de osy komissiia anyqtaidy.
«Kásiporynnyń ujymdyq kelisimsharty boiynsha, qaitys bolǵan bekitýshini jerleý shyǵyndaryna jumys berýshi qarjylai atsalysatyn bolady. Onyń syrtynda kásipodaq ta kómektesip jatyr. Al qaiǵyly oqiǵaǵa bailanysty qansha ótemaqy tólenetinin tergeý komissiiasy sheshedi. Jalpy mundai jaǵdailarda kóbinese jazym bolǵan jumysshynyń bir jyldyq eńbekaqysynyń 10 esesi tólenip jatady. Degenmen, bul naqty dep aitýǵa ázir erte. Naqty soma komissiia jumysy aiaqtalǵan kezde ǵana belgili bolady», - deidi menedjer.
Eske salsaq 13 shilde kúngi saǵat 3.00-de Shyǵys Qazaqstandaǵy Orlov shahtasynyń aýmaǵynda kenish opyrylyp, sonyń saldarynan bir adam mert bolyp, bir adam aýrýhanaǵa túsken bolatyn.
