KAZ Minerals كومپانييالار توبىنىڭ باسپاسٶز قىزمەتٸ شىعىسى قازاقستانداعى ورلوۆ كەنٸشٸنٸڭ اۋماعىندا جازىم بولعان جٸگٸت تۋرالى اقپارات بەردٸ, دەپ حابارلايدى "ۇلت اقپارات".
كومپانييانىڭ شىعىس قازاقستان وبلىسى بويىنشا بۇقارامەن بايلانىس مەنەدجەرٸ ەرمەك دٷزكەنوۆتٸڭ ايتۋىنشا, وپىرىلعان تاۋ جىنىسىنىڭ استىندا قالعان بەكٸتۋشٸ اباي اۋدانىنىڭ تۋماسى بولعان.
«قايتىس بولعان جٸگٸت 1985 جىلى اباي اۋدانىندا دٷنيەگە كەلگەن. ارتىندا 2 بالاسى قالدى. بەكٸتۋشٸ بولىپ جۇمىس ٸستەپ جٷرگەن. تٶبەدەگٸ تاس كەسەگٸ قۇلاعاندا قاسىنداعى جٸگٸت قاشىپ ٷلگەرگەن. ال مارقۇم كەسەكتٸڭ تۋرا استىندا تۇرعاندىقتان, قاشىپ كەتە الماعان», - دەيدٸ ەرمەك دٷزكەنوۆ.
وقيعانىڭ انىق-قانىعىن ارنايى قۇرىلعان تەرگەۋ كوميسسيسياسى انىقتاپ جاتىر. KAZ Minerals كومپانيياسى جازىم بولعان كەنشٸنٸڭ وتباسىنا قانشا ٶتەماقى تٶلەۋ كەرەكتٸگٸن دە وسى كوميسسييا انىقتايدى.
«كەسٸپورىننىڭ ۇجىمدىق كەلٸسٸمشارتى بويىنشا, قايتىس بولعان بەكٸتۋشٸنٸ جەرلەۋ شىعىندارىنا جۇمىس بەرۋشٸ قارجىلاي اتسالىساتىن بولادى. ونىڭ سىرتىندا كەسٸپوداق تا كٶمەكتەسٸپ جاتىر. ال قايعىلى وقيعاعا بايلانىستى قانشا ٶتەماقى تٶلەنەتٸنٸن تەرگەۋ كوميسسيياسى شەشەدٸ. جالپى مۇنداي جاعدايلاردا كٶبٸنەسە جازىم بولعان جۇمىسشىنىڭ بٸر جىلدىق ەڭبەكاقىسىنىڭ 10 ەسەسٸ تٶلەنٸپ جاتادى. دەگەنمەن, بۇل ناقتى دەپ ايتۋعا ەزٸر ەرتە. ناقتى سوما كوميسسييا جۇمىسى اياقتالعان كەزدە عانا بەلگٸلٸ بولادى», - دەيدٸ مەنەدجەر.
ەسكە سالساق 13 شٸلدە كٷنگٸ ساعات 3.00-دە شىعىس قازاقستانداعى ورلوۆ شاحتاسىنىڭ اۋماعىندا كەنٸش وپىرىلىپ, سونىڭ سالدارىنان بٸر ادام مەرت بولىپ, بٸر ادام اۋرۋحاناعا تٷسكەن بولاتىن.
