Qaiyrbek Óskenbaev: Qala turǵyndary úshin táýliktik sý tutyný normasy ázirlenýde

Qazaqstanda qala turǵyndary úshin táýliktik sý tutyný normasy ázirlenip jatyr. Bul týraly QR Indýstriia jáne infraqurylymdyq damý birinshi vitse-ministri Qaiyrbek Óskenbaev aitty, dep habarlaidy QazAqparat.

«Biyl alǵash ret ilki joba retinde aýyz sýdy esepke alý aspaby bolǵan kezde bir adamǵa táýligine 140 litrge deiin ǵana sýdy sýbsidiialaý boiynsha normativtik shekteý belgiledik. Aýyldyq jerdegi árbir turǵynǵa sýdy sýbsidiialaimyz. Aýyl turǵyndaryna sýdyń tekshe metri sýdy esepke alý aspaby bolǵanda, 30 teńgeni, al aspapsyz 40 teńgeni quraidy. Keide bizde sýdyń naqty quny 3 myń teńgege de jetip jatady», - dedi ol Májilistegi dóńgelek ústel barysynda. 

Onyń atap ótýinshe, aýyldyń ár turǵynyna táýligine 140 litr sý jetkilikti. Eger turǵynnyń bir táýliktegi tutynǵan sý normadan asyp ketse, onda ol sýdyń artyq kólemine kommertsiialyq baǵamen aqy tóleidi. 

«Qazirgi ýaqytta dál osyndai normativtik shekteýdi qala turǵyndary úshinde ázirlep jatyrmyz. Biz adamdarǵa sýdy únemdeýdi, baǵalaýdy úiretýimiz kerek. Atalǵan norma asypketken jaǵdaida turǵyndar sýmen jabdyqtaý qyzmetine tolyq tarif tóleitin bolady», - dedi Qaiyrbek Óskenbaev.