Foto: Úkimet
Qaitarylǵan aktivter esebinen Qaraǵandy oblysynyń sý qubyry jelilerin salýǵa jáne rekonstrýktsiialaýǵa qarajat bólindi, dep habarlady úkimet.
Arnaýly memlekettik qordan bólingen qarajat kólemi - 5,1 mlrd teńge.
Jobalar oblystyń birneshe eldi mekeninde – Qaraǵandy qalasynda, Tihonovka, Sadovoe, Kolhoznoe, Aqterek, Álihan aýyldarynda, sondai-aq Kóktenkól stansasynda iske asyrylyp jatyr.
Sý qubyry jelilerin salý jáne rekonstrýktsiialaý jumystary olardyń tozý deńgeiiniń joǵary bolýyna bailanysty qolǵa alynǵan. Kóptegen jeliler ondaǵan jyldar boiy kúrdeli jóndeýsiz paidalanylyp, apattar men sý berý úzilisterine, turǵyndardyń shaǵymyna sebep bolyp kelgen.
Barlyq jumysty osy jyldyń sońyna deiin aiaqtaý josparlanyp otyr.
Búginde Qazaqstanda eldi mekenderdi kezeń-kezeńimen aýyz sýmen qamtamasyz etý jospary júzege asyrylyp jatyr. Ónerkásip jáne qurylys ministrliginiń dereginshe, Qaraǵandy qalasy turǵyndary aýyz sýmen 99,4%, al aýyldar halqy 97,9% qamtylǵan.
