Elordada 20 sáýirden bastap qaita ashylatyn biznes nysandaryna jospardan tys tekserý júrgizilýi múmkin, - dep habarlaidy QazAqparat.
Bul týraly Nur-Sultan qalasy Taýarlar men qyzmetterdiń qaýipsizdigi men sapasyn baqylaý departamenti Jumys orny men kommýnikatsiialyq nysandardaǵy juqpaly aýrýlar boiynsha qadaǵalaý bóliminiń basshysy Gúlnar Qalieva aityp berdi.
«Nur-Sultan qalasy boiynsha koronavirýs infektsiiasyn taratpaý boiynsha Jedel shtabtyń sheshimimen jumysyn qaita bastaityn kásiporyndardy aýdandyq ákimdikter baqylaidy. Ákimdikter kásiporyndarǵa qoiylatyn talaptardyń qanshalyqty oryndalyp jatqanyn tekseredi», - dep túsindirdi spiker «Atameken» ulttyq kásipkerler palatasy júrgizgen onlain brifingte.
Odan bólek, ákimdik talaptardy buzǵan nysandar jóninde Taýarlar men qyzmetterdiń qaýipsizdigi men sapasyn baqylaý departamentine aqparat jibere alady. Osy málimet negizinde departament Kásipkerlik kodeksiniń 144-baby, 6-bóligine sáikes jospardan tys tekserý júrgize alady.
«Bul bapqa sáikes, infektsiialyq aýrýdyń taralý qaýpi týyndaǵan jaǵdaida, máselen qazir KVI jaǵdaiynda aýmaqtyq organdar nysanǵa eskertý jasamastan, tekserý taǵaiyndaý aktin jasamastan,tekserý júrgizýge quqyly», - dedi G. Qalieva.
Buǵan deiin Gúlnar Qalieva 20 sáýirden bastap qaita ashylatyn kásiporyndarǵa qandai talaptar qoiylatynyn túsindirgen edi.
