Qazaqstannyń Tuńǵysh Prezidenti – Elbasy Nursultan Nazarbaev metallýrgterdi kásibi merekesimen quttyqtady, dep habarlaidy Elbasy.kz. "Ult aqparat" Elbasy quttyqtaýynyń tolyq mátinin jariialaidy.
***
«Qurmetti metallýrgiia salasynyń eńbekkerleri men ardagerleri!
Sizderdi kásibi merekelerińiz – Metallýrg kúnimen quttyqtaimyn!
Bul meiram sizderge degen qurmettiń jáne eren eńbekterińizdi moiyndaýdyń simvoly sanalady.
Kezinde maǵan mańyzdy ómirlik tájiribe bergen, qairatymdy shyńdaǵan jáne senimdi dostar tabýǵa septigin tigizgen metallýrg kásibin tańdaǵanymdy maqtan etemin.
Búginde elimizdiń kásiporyndarynda joǵary bilikti myńdaǵan metallýrg – eńbekqor, jaýapkershiligi joǵary jáne myqty azamattar jumys isteýde. Solardyń óz isine adaldyǵy men sheberliginiń arqasynda búkil elimizdiń ekonomikalyq ósiminiń berik negizin qalyptastyra aldyq.
Qazaqstandaǵy metallýrgiia salasy damýdyń innovatsiialyq jolyna túsip, óndiristik ujymdarymyzǵa bolashaqqa nyq senimmen qaraýǵa múmkindik beredi.
Sizder aldaǵy ýaqytta da táýelsiz Qazaqstannyń igiligi úshin jańa kásibi jetistikterge umtylyp, adal eńbek etetinderińizge senemin.
Barshańyzǵa zor densaýlyq, sarqylmas kúsh-qýat, týǵan-týysqandaryńyzǵa baq-bereke tileimin!»
