«Nur Múbárak» meshitiniń bas imamy Qairat Joldybaiuly meshit qaraýyly 18 jastaǵy jigitti zorlady degen aqparatqa qatysty túsinikteme berdi, dep habarlaidy "Ult aqparat".
«Osy aqparattan keiin áleýmettik jelilerde meshit qyzmetkerlerin kinálaityn túrli teris pikirler tarap ketti. Osyǵan bailanysty istiń anyq-qanyǵyn ashyp aitýdy jón sanadym. Birinshiden, bala zorlady degen fakti áli naqtylanǵan joq. Ekinshiden, bul oqiǵanyń «Nur-Múbarak» ýniversitetimen, meshitimen jáne jataqhanamen tikelei qatysy joq ekenin aitqym keledi. Sebebi atalǵan ǵimarattar 6 gektar jerde ornalasqan, osyndai úlken aýmaqty kúzetý úshin «Nur Múbarak» ýniversiteti arnaiy litsenziiasy bar kúzet agenttigimen aqyly negizde kelisimshartqa otyrǵan. Sondyqtan osy aýmaqty kúzetý isi atalǵan agenttiktiń moinynda», - deidi ol.
Onyń aitýynsha, oqiǵa bolǵan jaǵdaidyń ózinde de jaýapkershilik osy kompaniia qyzmetkerleriniń moinynda bolady.
«Sondyqtan bul máselege qatysty meshitti, onyń qyzmetkerlerin kinalaý, olar jaily teris pikir jazý, aqparat taratý orynsyz dep sanaimyn», - deidi Qairat Joldybaiuly.
