Foto: Sputnik Qazaqstan / kollaj: Halyq Uni
Eks-prezident Nursultan Nazarbaevtyń nemere inisi Qairat Satybaldynyń shartty túrde merziminen buryn bostandyqqa shyǵý týraly aryzy qanaǵattandyrylmady, dep habarlaidy "Ult aqparat" Shyǵys Qazaqstan oblystyq sotynyń baspasóz qyzmetine silteme jasap.
"Sottalǵan Qairat Satybaldynyń bas bostandyǵynan aiyrý jazasyn bas bostandyǵyn shekteýmen aýystyrý týraly ótinishin qanaǵattandyrýdan bas tartamyz", - delingen habarlamada.
Sot sottalýshynyń tártip buzýshylyǵy men turaqsyz minez-qulqy bar ekenin, sondyqtan bul ótinishti qabyldaý tym erte ekenin alǵa tartty.
Aita keteiik, Qairat Satybaldy – jol apatynan qaitys bolǵan Satybaldy Nazarbaevtyń uly, Alatau Capital Invest basqarýshy seriktesi. Ol Forbes Kazakhstan nusqasy boiynsha elimizdiń eń yqpaldy biznesmenderiniń tizimine engen.
Sondai-aq ol Astana qalasy ákiminiń orynbasary, "QTJ" birinshi vitse-prezidenti, "Nur Otan"partiiasynyń hatshysy bolǵan. Ulttyq qaýipsizdik komiteti organdarynda basshy ofitserlik laýazymdarda qyzmet etken.
Ótken jyldyń naýryz aiynda Dýbaiǵa ushqaly jatqan jerinen ustaldy.
Qazaqstannyń sybailas jemqorlyqqa qarsy qyzmeti Qairat Satybaldyulyna qatysty jymqyrý týraly isti sotqa deiingi tergeýdiń aiaqtalǵany týraly 24 tamyzda habarlady. Sot ony Astanada 2022 jyldyń qyrkúieginde 6 jylǵa bas bostandyǵynan aiyrdy. Sonymen qatar jeke epizodtar boiynsha tergeý 2023 jyly da jalǵasty.
