فوتو: Sputnik قازاقستان / كوللاج: Halyq Uni
ەكس-پرەزيدەنت نۇرسۇلتان نازارباەۆتىڭ نەمەرە ٸنٸسٸ قايرات ساتىبالدىنىڭ شارتتى تٷردە مەرزٸمٸنەن بۇرىن بوستاندىققا شىعۋ تۋرالى ارىزى قاناعاتتاندىرىلمادى, دەپ حابارلايدى "ۇلت اقپارات" شىعىس قازاقستان وبلىستىق سوتىنىڭ باسپاسٶز قىزمەتٸنە سٸلتەمە جاساپ.
"سوتتالعان قايرات ساتىبالدىنىڭ باس بوستاندىعىنان ايىرۋ جازاسىن باس بوستاندىعىن شەكتەۋمەن اۋىستىرۋ تۋرالى ٶتٸنٸشٸن قاناعاتتاندىرۋدان باس تارتامىز", - دەلٸنگەن حابارلامادا.
سوت سوتتالۋشىنىڭ تەرتٸپ بۇزۋشىلىعى مەن تۇراقسىز مٸنەز-قۇلقى بار ەكەنٸن, سوندىقتان بۇل ٶتٸنٸشتٸ قابىلداۋ تىم ەرتە ەكەنٸن العا تارتتى.
ايتا كەتەيٸك, قايرات ساتىبالدى – جول اپاتىنان قايتىس بولعان ساتىبالدى نازارباەۆتىڭ ۇلى, Alatau Capital Invest باسقارۋشى سەرٸكتەسٸ. ول Forbes Kazakhstan نۇسقاسى بويىنشا ەلٸمٸزدٸڭ ەڭ ىقپالدى بيزنەسمەندەرٸنٸڭ تٸزٸمٸنە ەنگەن.
سونداي-اق ول استانا قالاسى ەكٸمٸنٸڭ ورىنباسارى, "قتج" بٸرٸنشٸ ۆيتسە-پرەزيدەنتٸ, "نۇر وتان"پارتيياسىنىڭ حاتشىسى بولعان. ۇلتتىق قاۋٸپسٸزدٸك كوميتەتٸ ورگاندارىندا باسشى وفيتسەرلٸك لاۋازىمداردا قىزمەت ەتكەن.
ٶتكەن جىلدىڭ ناۋرىز ايىندا دۋبايعا ۇشقالى جاتقان جەرٸنەن ۇستالدى.
قازاقستاننىڭ سىبايلاس جەمقورلىققا قارسى قىزمەتٸ قايرات ساتىبالدىۇلىنا قاتىستى جىمقىرۋ تۋرالى ٸستٸ سوتقا دەيٸنگٸ تەرگەۋدٸڭ اياقتالعانى تۋرالى 24 تامىزدا حابارلادى. سوت ونى استانادا 2022 جىلدىڭ قىركٷيەگٸندە 6 جىلعا باس بوستاندىعىنان ايىردى. سونىمەن قاتار جەكە ەپيزودتار بويىنشا تەرگەۋ 2023 جىلى دا جالعاستى.
