Tuńǵysh prezidenttiń jieni Qairat Satybaldy bostandyqqa shyqty. Bul týraly jýrnalist Mihail Kozachkov Telegram-daǵy arnasynda habaraldy.
Ony bostandyqta koloniiadan ony baýyry Samat Ábish qarsy alǵan. Samat Ábish te laýazymdyq ókilettikterin asyra paidalanǵany úshin shartty túrde 8 jyldyq jazasyn ótep jatyr.
Aita keteiik, Qairat Satybaldy Qylmystyq kodekstiń 28-baby 3-bóligi, 189-baptyń 4-bóligi 2) tarmaǵy (senip tapsyrylǵannyń múlkin jymqyrý), 28-baptyń 3-bóligi, 195-baptyń 2-tarmaǵy (urlyq jasaý maqsatynsyz zalal keltirý) boiynsha múlki tárkilenip, memlekettik qyzmet atqarý quqyǵynan 10 jylǵa deiingi merzimge aiyryla otyryp, 6 jylǵa bas bostandyǵynan aiyrýylǵan.
Al biylǵy tamyzda onyń úkimi ózgerdi. jazanyń ótelmegen bóligi 3 jyl 3 ai 7 kún merzimge bas bostandyǵyn shekteý túrindegi jazaǵa aýystyryldy.
ShQO sottary taratqan málimet boiynsha, sottalǵan ótinishhatyn qoldap, ony qanaǵattandyrýdy surady. Negiz retinde óziniń oń minezdemesin, úkim boiynsha zalaldyń ornyn toltyrǵanyn, sondai-aq jalpy somasy 700 mlrd. teńgeden astam múlikti jáne ózge de qarajatty óz erkimen memleketke qaitarǵanyn aitqan.
QK-niń 73-baby aýyrlyǵy ortasha qylmystar nemese aýyr qylmystar úshin sottalǵan adamdy jazanyń ótelmegen bóliginiń qalǵan bóligin mynadai jaǵdailarda neǵurlym jeńil jaza túrimen almastyrý múmkindigin kózdeidi:
- - jaza merziminiń keminde 1/3 bóligin ótegennen keiin;
- keltirilgen zalal tolyq ótelgen jaǵdaida;
- ne jazany óteý tártibin qasaqana buzýshylyqtardyń bolmaýy.
Osylaisha sot sottalýshynyń ótinishhatyn qanaǵattandyrdy jáne bas bostandyǵynan aiyrý túrindegi jazanyń ótelmegen bóligin 3 jyl 3 ai 7 kún merzimge bas bostandyǵyn shekteýge aýystyrdy.
