Saiasi qýǵyn-súrgin jáne asharshylyq qurbandaryn eske alý kúni 1986 jylǵy jeltoqsan oqiǵasyna qatysýshy Qairat Rysqulbekovtiń "Halyq Qaharmany" ataǵynyń belgisi Almaty mýzeiine berildi, - dep habarlaidy "Ult aqparat" Almaty ákimdiginiń baspasóz qyzmetine silteme jasap. Belgini onyń baýyry Talǵat Rysqulbekov tapsyrdy.
Qairat Rysqulbekov eń joǵary aýyr úkim - ólim jazasyna kesilip, keiin bul jiyrma jyl bas bostandyǵynan aiyrýǵa aýystyrylǵan bolatyn. Ol Semeidegi túrmede, jazasyn óteýge ketip bara jatqan jolda qaza tapqan. 1992 jyly qaitys bolǵan soń aqtalǵan. 1996 jyly Qazaqstan Prezidentiniń Jarlyǵymen oǵan "Halyq Qaharmany" (Halyq Batyry) ataǵy berildi.
Eske salaiyq, búgin Almatyda 1931-1933 jyldarǵy asharshylyq qurbandarynyń eskertkishine gúl shoqtaryn qoiý rásimi ótti, oǵan qoǵam qairatkerleri, repressiia men asharshylyq qurbandarynyń urpaqtary, úkimettik emes uiymdar ókilderi jáne qala jastary qatysty.
