Foto: pixabay.com
Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty Qairat Nurtaspen ushaqta janjaldasqan jolaýshyǵa qatysty isti qarap, qaýly shyǵardy.
Sot anyqtaǵandai, 2024 jyldyń 4 maýsymynda Asylbek Bekqaiyrov Almaty-Astana baǵytynda ushaq bortynda Qairat Aidarbekovpen (Nurtas – red.) janjal shyǵaryp, arty tóbeleske ulasqan.
«Ushaq bortyndaǵy tóbeles kezinde ol ádepsiz sózder aitqan. A.Bekqaiyrov óz áreketimen qoǵamdy syilamaýshylyq tanytyp, qoǵamdyq tártipti buzǵan», - dep jazylǵan sot habarynda.
Sot otyrysynda A.Bekqaiyrov óz kinásin moiyndamaǵan.
QR Ákimshilik quqyqbuzýshylyqtar týraly 434-baptyń 1-bóliginiń sanktsiiasy 20 AEK mólsherinde aiyppul salýǵa nemese 5-ten 15 táýlikke deiingi merzimge ákimshilik qamaqqa alý sharasy qarastyrylǵan.
«Sot qaýlysymen A.Bekqaiyrov ÁQBtK-niń 434-babynyń 1-bóliginde kózdelgen ákimshilik quqyqbuzýshylyqty jasaǵany úshin kináli dep tanylyp, 10 táýlikke qamaýǵa alý túrindegi ákimshilik jaza taǵaiyndaldy. Sot qaýlysy zańdy kúshine engen joq», - dep habarlady sot.
Aita keteiik, Asylbek Bekqaiyrov pen Qairat Nurtas – burynnan dos. Janjaldyń basty sebebi – ánshiniń shaqyrǵan toiǵa barmaýy.
Buǵan deiin Astana qalasynyń ákimshilik ister boiynsha mamandandyrylǵan soty Qairat Nurtastyń buzaqylyq isi boiynsha qaýly shyǵardy.
