Tanymal qazaqstandyq ánshi Qairat Nurtas "Shymkent qalasynyń qurmetti azamaty" atandy.
Shymkent qalalyq máslihatynyń kezekten tys 50-sessiiasynda shahardyń birneshe turǵynyna mártebeli ataq berý týraly sheshimdi depýtattar biraýyzdan qabyldady. "Qurmetti azamat" atanǵandardyń arasynda Ráshkúl Ospanálieva, Qairat Moldaseiitov, Erkin Satqanbaev, Natalia Romanova, Qairat Nurtas bar, dep habarlady otyrar.kz portaly.
"Mundai statýsqa ie bolǵandar ázirge tek qoǵamdyq kólikterde tegin qatynaidy jáne arnaiy alleiada esimderi jazylǵan taqtaisha ilinedi", - dep jazdy portal.
Aita keteiik, "Shymkent qalasynyń qurmetti azamaty" ataǵy jylyna bir ret saltanatty túrde 10 adamǵa tapsyrylady. Mundai ataq shahardy damytýǵa airyqsha eńbegi sińgen, memlekettik jáne qoǵamdyq qyzmette jetistigi bar, shyǵarmashylyqta, bizneste, sportta, qaiyrymdylyq sharalarynda belsendilik tanytyp júrgen azamattarǵa beriledi.
Sondai-aq, Shymkent qalasy elimizdegi respýblikalyq mártebege ie bolǵaly depýtattar ataqqa ie bolatyndardyń sanyn azdap kóbeitýdi josparlyp otyr.
Ǵani Tashqaraev, Shymkent qalalyq máslihatynyń hatshysy: «Turaqty komissiianyń otyrysynda depýtatardan usynys tústi. Biz de Almaty men Astana qalalary sekildi 20 adamǵa jetkizsek degen».
Túrkistan oblysynda jyl saiyn óńirdiń «Qurmetti azamaty» ataǵyna 15 azamat ie bolady eken.
