Otandyq estrada juldyzy Qairat Nurtas eldegi sońǵy jańalyqtarǵa qatysty pikir bildirdi. Ánshi úkimetten janaiqaiyn jetkizip, qamalǵan halyqty bosatýdy surady, dep habarlaidy "Ult aqparat".
Sahna maitalmany óz pikirin Instagram áleýmettik jelisindegi paraqshasynda jariialaǵan.
"Iá, men ánshimin. Bul meniń bala-shaǵamdy asyrap otyrǵan jumysym. Osy ýaqytqa deiin eshkimniń jaǵyna shyqqan adam emespin, sebebi xalyqtyń tynyshtyǵy men úshin eń mańyzdysy. Alaida, sońǵy jańalyqtarǵa bailanysty aitarym, xalqymnyń qany tógilse, qarap qalmaimyn. Óitkeni, meni kótergen xalyq! Elimde bolyp jatqan jaittarǵa júregim aýyrǵannan, bei-jai qarap, únsiz otyra almaimyn. Biraq 1986 jylǵy oqiǵanyń, qazaǵymnyń qany tógilgenin de qalamaimyn. Qudai sabyr bersin!
Biliktegilerge xalyqtyń muń-muqtajyn estitin kez keldi. QR Konstitýtsiiasyna sáikes, memlekettiń eń birinshi bailyǵy ol - halyq. Halyqqa qarsy shyǵý - ol Allaǵa qarsy shyǵýmen teń. Osy oraida, úkimetten barlyq janaiqaiyn jetkizip, qamalǵan baýyrlarymdy, halyqty bosatýyńyzdy suraimyn!
Bul dúniede barlyq nárse Allanyń qalaýymen bolatynynda esten shyǵarmaǵanymyz abzal! Allanyń óz esebi bar shyǵar. Búlik shyqqan memleketterdiń de ońǵanyn kórmedim. "Ashý yza, aqyl dos" demekshi, barlyǵyna basqasha qaraiyq. Qudai qaiyryn bersin! Elimiz tynysh, jurtymyz aman bolsyn!", - dep jazǵan ánshi.
