Qazaq estradasynyń tanymal óner juldyzy Qairat Nurtas aýyr dertke shaldyqqan Aidana esimdi qyzdyń ótinishimen Pediatriia ortalyǵyna keldi, dep habarlaidy Ult.kz tilshisi QazAqparat agenttigine silteme jasap.
«Pediatriia jáne balalar hirýrgiiasy ǵylymi ortalyǵy» baspasóz qyzmetiniń málimetinshe, jaqynda ǵana otadan shyqqan Aidana súiikti ánshisin bir kórýdi armandaǵan eken. Kishkentai jankúierimen tanysqan ánshi Aidanaǵa jáne barsha onkogematologiia bóliminde em alýshy balalarǵa aq tilegin bildirip, tez saýyǵyp ketýlerin tiledi. Qairat Nurtas basqa bólmelerde jatqan balalardyń da qal-jaǵdailaryn surap, áńgimelesken.
«Kishkentai qyzdyń bir aýyz tilegin oryndaǵan aq júrekti Qairat Nurtasqa jáne kezdesýdi uiymdastyrýǵa muryndyq bolǵan «Amila» qoryna alǵysymyzdy bildiremiz. Nieti men tilegi qabyl bolsyn! Bul kezdesý balalardyń syrqattan saýyǵyp ketýlerine septigin tigizedi degen úmittemiz. Ata-analaryna tózimdilik pen sabyr, senim men úmit tileimiz! Dúniede eshqandai sábi aýyrmasyn, aýrý ataýly ananyń kóńiline qaiaý túsirmesin! Qaiyrymdy, meiirimdi, keń peiildi bolý qazaq halqynyń qanynda bar qasiet. Bul dúniede ananyń kóz jasy men balanyń aýyrǵanyn kórýden artyq qasiret joq. Mundai taǵdyrdy eshkim ózine tilep almaidy. Ár júrekke meiirimdilik, izgilik, adamgershilik tárizdi asyl qasietterdi uialatý, qinalǵan jandarǵa qoldaý kórsetý, taǵdyrdyń jazýymen jaraly bolǵandarǵa járdem berý árbir azamattyń paryzy», - delingen ortalyq taratqan málimette.
