Parlament Senatynyń jalpy otyrysynda depýtat Qairat Qojamjarovtyń ant berýi rásimi ótti, dep habarlaidy QazAqparat tilshisi.
«Qazaqstan halqyna adal qyzmet etýge, Qazaqstan Respýblikasynyń tutastyǵy men Táýelsizdigin nyǵaitýǵa, onyń Konstitýtsiiasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin!», - dedi Qairat Qojamjarov.
Sonymen qatar Q. Qojamjarov Senattyń turaqty komitetiniń quramyna sailandy. Ol Halyqaralyq qatynastar, qorǵanys jáne qaýipsizdik turaqty komitetiniń múshesi boldy.
Esterińizge sala keteiik, Memleket basshysynyń Jarlyǵymen Qairat Perneshuly Qojamjarov Qazaqstan Respýblikasy Parlamenti Senatynyń depýtaty bolyp taǵaiyndaldy.
Ol buǵan deiin QR Bas prokýrory qyzmetin atqarǵan bolatyn.
Aita keteiik, Parlament Senatynyń jalpy otyrysynda Darhan Satybaldynyń depýtattyq ókilettigin toqtatý týraly sheshim qabyldandy.
Ol Qazaqstan Respýblikasynyń Ózbekstan Respýblikasyndaǵy Tótenshe jáne Ókiletti Elshisi qyzmetine taǵaiyndaldy.
