Ulttyq jobalardy júzege asyrý barysynda vitse-ministrlerge birneshe mindet júkteledi. Bul jaiynda TALAP.Talks alańynda suqbat bergen QR Strategiialyq josparlaý jáne reformalar agenttiginiń tóraǵasy, «Astana» HQO basqarýshysy Qairat Kelimbetov aitty, dep habarlaidy QazAqparat.
«10 ulttyq jobadan 40 baǵyt taraidy. Birneshe shaǵyn tapsyrma da bar. Máselen, «ekonomikalyq ósim» baǵytynyń birneshe tarmaǵy bar. Nemese, «kúshti óńirler» baǵyty. Bul baǵyt «Nurly jer» men «Nurly jol» baǵdarlamalaryn qamtidy. Al ol jerde shamamen 100 mindet jáne 200-den astam kórsetkish bar. Iaǵni, kórsetkishterdiń ózi birneshe myń. Endi olardyń sany 200 bolady», - dedi Qairat Kelimbetov.
Sonymen qatar ol ulttyq jobalardyń aiasynda árbir vitse-ministrge qansha mindetten júkteletindigin aityp berdi.
«Eger árbir ministrlikke ortasha eseppen alar bolsaq, onda ministrdiń árbir orynbasaryna birden úshke deiin mindet júkteledi», - dedi ol.
Qairat Kelimbetov elimiz alǵash ret memlekettik baǵdarlamadan ulttyq jobaǵa alǵash ret kóship otyrǵandyǵyna toqtaldy.
«Bul óte baiypty ári aýqymdy mindet. Buǵan qosa, eger biz 2025 jylǵa deiin qarjylandyrý jaiynda aitar bolsaq, onyń bári eseptelingen jáne úsh jyldyq biýdjette naqty qarastyrylǵan. Búginde úsh jyldyq biýdjet Parlamenttik tyńǵylyqty talqylanyp jatyr», - dedi agenttik basshysy.
