QR Strategiialyq josparlaý jáne reformalar agenttiginiń tóraǵasy Qairat Kelimbetov elimizde atom elektr stansasyn salýǵa qatysty pikir bildirdi, dep habarlaidy QazAqparat.
«Atom elektr stansasy geosaiasattyń quraly ekendigin bilemiz. Al tehnologiialar – bul bizdiń qaýipsizdigimiz, jailylyǵymyz. Biraq saiasat emes. Degenmen Qazaqstan atom energetikasyn engizý múmkindigin zerdelep jatyr. Prezident Qasym-Jomart Toqaev Úkimetke turaqty damý úshin atom energetikasy qanshalyqty tiimdi ekendigin tyńǵylyqty ári baiyppen zerdeleýdi ótingendigin bilemin. Alaida, sóz bolashaq tehnologiiasy, kómirtegi beitaraptylyǵy jaiynda bolǵan kezde menińshe, orta merzimdi keleshekte múldem jańa tehnologiialardy kórip qalýǵa tiispiz», - dedi ol Astana klýbynyń 6-otyrysynda.
Onyń atap ótýinshe, mundai jańa tehnologiialar damýshy elderdiń de satyp alýyna qoljetimdi bolýy qajet.
«Bul rette problemany sheshýdiń revoliýtsiialyq emes, evoliýtsiialyq ádisteri qajet. Menińshe, Qazaqstan kúntártibi Qytai men Úndistannyń kúntártibine jaqyndap qaldy. Tehnologiialardy damytý úshin qolda bar múmkindikterdi paidalaný qajet. Máselen, bizde kómirtegi tutqyshyna qatysty óte úlken qyzyǵýshylyq bar», - dedi Qairat Kelimbetov.
