Foto: Getty Images
Milannyń áigili «Djýzeppe Meatstsa» stadionynda ótken ÝEFA Chempiondar ligasynyń tórtinshi týryndaǵy kezdesýde almatylyq «Qairat» syrt alańda «Interden» 1:2 esebimen utyldy, dep habarlaidy Ult.kz.
Alǵashqy taimnyń sońynda milandyqtar esep ashty — Laýtaro Martines 45-minýtta dál soqqysymen kózge tústi. Alaida úzilisten keiin «Qairat» oiyndy jandandyryp, 55-minýtta Ofri Arad buryshtan kelgen dopty baspen qaqpaǵa dál baǵyttap, esepti teńestirdi.
Biraq 67-minýtta «Interdiń» jartylai qorǵaýshysy Karlos Aýgýsto jeńis golyn soǵyp, komandasyna úsh upai syilady.
Aita keteiik, bul kezdesýge deiin italiialyq klýb Chempiondar ligasynda birde-bir gol jibermegen edi. Almatylyqtar alǵashqylardyń biri bolyp bul statistikany buzyp, týrnirdiń basty favoritteriniń birimen laiyqty deńgeide oiyn kórsetti.
