Buǵan deiin buqaralyq aqparat quraldarynda 12-13 maýsym kúnderi Astana qalasynda Siriia máselesin retteý boiynsha kezekti kelissózderdiń ótetetini týraly aqparat taraǵan bolatyn, dep xabarlaidy QazAqparat tilshisi.
"Qazirgi kezde Resei, Túrkiia men Iran óz arasyndaǵy konsýltatsiialardy belsendi túrde júrgizip keledi. Negizgi maqsat - Siriia máselesin retteýge arnaǵan Astana protsesi aiasyndaǵy kelissózderdiń kezekti raýndyn belgileý. Reseidegi áriptesterimiz ol kelissózderdi 12-13 maýsym kúnderi ótkizýdi qalaityndaryn jetkizdi. Ol jaiynda basqa da taraptarǵa xabarlaǵan. Kepildik beretin memleketter jaqyn kúnderi, bálkim, aldaǵy birneshe saǵattyń ishinde sol kezdesýdiń kún tártibin jariialaidy. Sol kezde qatysýshylardyń tizimi de belgili bolady", - dedi Qairat Ábdiraxmanov búgin jýrnalisterge bergen suxbatynda.
Ministrdiń aitýynsha, jospar boiynsha ondai kezdesýge Resei, Túrkiia men Iran qatysady. Sosyn atalǵan memleketterdiń shaqyrýymen Siriia úkimeti men qarýly oppozitsiia kele alady. Sondai-aq BUU men baqylaýshy elder de shaqyrylady. "Bárimiz jaqsy bilemiz, mamyr aiynda ótken sońǵy kezdesýde kepildik beretin memleketter Siriiadaǵy deeskalatsiianyń tórt aimaǵyn qurý týraly memorandýmǵa qol qoiǵan bolatyn. Astanadaǵy kezekti kezdesýde ataǵan qujatty iske asyrý sharalary pysyqtalmaqshy", - dep atap kórsetti Ábdiraxmanov.
