Kúni keshe áleýmettik jelide "Irina Kairatovna" tobynyń músheleri men Shiza laqap atymen belgili ánshi Ashat Jolshiev synǵa qalǵan edi. Tanymal óner adamdary da ánshilerdiń bul áreketine qatysty pikir bildirip jatyr. Ánshi Nurlan Alban Jelidegi paraqshasynda toptyń áreketin synǵa aldy, - dep habarlaidy Tengrinews.kz tilshisi.
25 mamyrda Almatydaǵy Balýan Sholaq atyndaǵy sport saraiynda "Irina Kairatovna" men Shiza-nyń kontserti ótken bolatyn. Keiinirek Jeli qoldanýshylary "Irina Kairatovna" tobynyń múshesi Azamat Marklenov pen Ashat Jolshievtiń sahnadaǵy áreketin synady. Ánshiler sahnada boǵaýyz sóz de aityp ketken. Al ánshi Ashat Jolshiev Qazaqstannyń týyn adamdarǵa laqtyryp jibergen.
"Dál qazir miyma qan quiylaiyn dep otyr. Jalǵyz meniń qanym emes. Esi bar, bala tárbielep otyrǵan árbir qazaqtyń shańyraǵyndaǵy ata-ananyń, menen úlken ónerde, basqa da qyzmet salasynda júrgen pendeniń qany qaraiyp otyrǵany bárimizge beseneden belgili. (...) Olardyń ne dep aitqanyn aitýǵa aýzym barmaidy. Bala tárbielep otyryp, sol balany qaitsem qazaqylandyramyz, qaitsek soǵan ulttyq rýhty sińiremiz, qaitsek sonyń tárbiesimen ainalysamyz dep jatqanda, olardyń kórsetip jatqan úlesi mynaý ma?! Úlgisi osy ma?!
...Mynaǵan toqtaý salatyn quzyrly organdardan, joǵary shendi sheneýnikterden, ministrlikten adam bar ma? (...) Tipti qolyna mikrofon bermei, sahnaǵa jolatpaityndai jasaý kerek. Mynaǵan ne deisizder? Jaýap beretin adam bar ma, aǵaiyn? ...Sharasyz kúide kún keship otyrmyz ", - dedi ánshi jazbasynda.
