Elimizdiń bilim berý salasynda eńbek etetinderdiń 73,8 paiyzy - áielder. Mundai derek ranking.kz portalyndaǵy málimette keltirilgen, dep habarlaidy "Ult aqparat".
Portal málimetine sáikes, 2020 jyldyń 1-toqsanynyń qorytyndysy boiynsha, bilim salasy qyzmetkerleriniń ortasha ailyq jalaqysy 154,6 myń teńgege jetip, ótken jylmen salystyrǵanda 40,6 paiyzǵa, infliatsiiany eskergendegi shynaiy ósimi 32,6 paiyzǵa jetip otyr.
Mektepke deiingi bilim salasy qyzmetkerleri bul sektorda eń tómengi jalaqy alady. Olardyń ortasha jalaqysy - 90,3 myń teńge. Infliatsiiany qosa alǵanda ótken jyldan bergi ósim - 21,5 paiyz.
Bastaýysh bilim berý segmenti qyzmetkerleri - 137,74 myń teńge, orta bilim qyzmetkerleri - 171,8 myń, joǵary bilim qyzmetkerleri - 190,9 myń jeńge jalaqy alady. Al qosymsha bilim berý qyzmeti salasy qyzmetkerleriniń jalaqysy - 157,8 myń teńgege, bilim berýdiń ózge segmentteri qyzmetkerleriniń jalaqysy - 133,75 myń teńgege jetti.
«Osy jyldan bastap pedagogtardy attestattaý júiesi jetildirilip, biliktilik sanatyúshin shekti ballǵa qoiylatyn talap kúsheitildi. Bilim berý uiymdarybasshylary úshin alǵash ret attestattsiia engizildi. Onyń nátijesinde laýazymdyq jalaqyǵa 30-dan 100 paiyzǵa deiin ústeme qosylý arqyly sanat beriledi. Basshylardyń jalaqylary alǵash ret jumys nátijesine bailanysty saralanady» delingen portal aqparatynda.
Óńirler sheginde bilim berý salasyndaǵy eń joǵary jalaqy elordada tirkelip otyr. Nur-Sultan qalasy muǵalimderiniń jalaqysy - 260,3 myń teńge. Bul osydan bir jyl burynǵy kórsetkishten 32,5 paiyz joǵary. Elorda ustazdarynyń jalaqysy Qazaqstan boiynsha ortasha kórsetkishten 1,7 ese asyp túsedi. Ekinshi jáne úshinshi orynda - Almaty (181,3 myń, ósim 27,5 paiyz) jáne Almaty oblysy (158,5 myń, ósim 49,5 paiyz) tur. Eń tómengi jalaqyny Batys Qazaqstan oblysynyń bilim salasy qyzmetkerleri alady. Olardyń jalaqysy - 134,6 myń teńge. Bir jyldaǵy ósimi - 43,1 paiyz.
2020 jyldyń 1-toqsanyndaǵy derekterge sáikes bilim salasynda 1,1 mln adam jumyspen qamtylǵan, jyldyq ósim - 1,8 paiyz. Bilim salasynda jumys isteitinderdiń 26,2 paiyzy ǵana - er adamdar, al qalǵan 73,8 paiyzy - áielder. Sektorda jumyspen qamtylǵandardyń 98,5 paiyzy - jaldamaly qyzmetkerler.
