Ótken jyldyń uqsas kezeńimen salystyrǵanda biýdjettiń barlyq deńgeilerinde atqarylý kórsetkishi joǵary. Bul týraly Úkimet otyrysynda biylǵy jeti aidaǵy áleýmettik-ekonomikalyq damýdy talqylaý kezinde Qarjy ministri Erulan Jamaýbaev aitty, dep habarlaidy QazAqparat.
«Memlekettik biýdjettiń shyǵysy 99,3 paiyzǵa, respýblikalyq biýdjettiń shyǵysy – 99,8%-ǵa, jergilikti biýdjetterdiń shyǵystary 98,7%-ǵa atqaryldy. Ótken jyldyń uqsas kezeńimen salystyrǵanda biýdjettiń barlyq deńgeilerinde atqarylý kórsetkishi joǵary», - dedi Jamaýbaev.
Onyń aitýynsha, respýblikalyq biýdjet boiynsha somasy 8,6 trln teńgege shyǵystar júrgizildi. Atqarylmaý 17 mlrd teńgeni, onyń ishinde únemdeý 5 mlrd teńgeni qurady. Igerilmegeni - 12 mlrd teńge.
«Igerilmeýdiń neǵurlym iri somalary Eńbek jáne halyqty áleýmettik qorǵaý, Densaýlyq saqtaý, Qarjy, Tótenshe jaǵdailar men Ekologiia, geologiia jáne tabiǵi resýrstar ministrlikterinde qalyptasty. Igerilmeýdiń negizgi sebepteri: sharttardy qazynashylyq organdaryna tirkeýge kesh usyný; tólem jónindegi qujattardy uzaq kelisý; oryndalǵan jumystardyń aktilerin, shot-faktýralardy ýaqtyly usynbaý; konkýrstyq rásimderdi uzaq ótkizý; sot talqylaýlarynyń bolýy», - dedi ministr.
