Soltústik Qazaqstan oblysyna biyl kóktem erte kelgen jaǵdaida sý tasqyny bolmaýy múmkin, dep habarlaidy QazAqparat.
Kóktemgi sý tasqyny boiynsha ótken oblystyq ákimdiktiń otyrysynda mamandar gidrometeorologiialyq jaǵdaiǵa toqtaldy.
«Qazgidromettiń» málimeti boiynsha, óńirde kúzde jer qyrtysy jyldaǵy kórsetkishten 39 %-ǵa kem ylǵal jiǵan.
Esil ózeni basseinindegi sý qory mólsheri qazir 3934 mln tekshe metr, bul – kópjylǵy shamaǵa sai.
Jer qyrtysy qysta 66-151 sm-ge deiin qatty. Bul da jyldaǵy kórsetkishke jaqyn.
«Sergeev sý qoimasy qazirgi ýaqytta 79,2 %-ǵa tolǵan. Byltyrǵy kórsetkishten 10 %-ǵa tómen. Qazir sý qoimasynda 549 mln tekshe metr sý bar, jalpy jobalyq syiymdylyǵy - 693 mln tekshe metr. Qar erigen ýaqytta Esil ózeni arqyly Sergeev sý qoimasy 1080 mln tekshe metrge deiin tolady dep boljap otyrmyz. Al Sileti sý qoimasynda 138 mln tekshe metr sý bolady. Bul – jyldaǵy kórsetkishke sai», - deidi SQO tótenshe jaǵdailar departamentiniń bastyǵy Ramil Kamalov.
Osynyń bárin esepke alǵan mamandar, kóktem erte kelgen jaǵdaida SQO aýmaǵynda sý tasqyny bolmaidy degen pikirde.
Desek te, kelesi aptadan bastap jaýapty vedomstvolar kóktemgi sý tasqynyna joǵary daiyndyq rejimine kóshpek.
