Foto: t.me/kazakhmys_news
«Qazaqmys» korporatsiiasynda Q.I. Satbaev atyndagy Jezqazgan tau-ken ondirisi Ońtústik Jezqazǵan, Shyǵys Jezqazǵan kenishteriniń jáne «Batys» kenishiniń eńbek ujymymen jumys kezdesýi ótti. Kóshpeli keńesti basqarma tóraǵasynyń óndiris jónindegi orynbasary Saiat Bakirov ótkizdi.
Kezdesýde eńbek qaýipsizdigi, investitsiia jáne óndiristik áleýetti arttyrý máseleleri talqylandy. Ujymǵa kompaniianyń jáne kompaniiaǵa qatysy bar aimaqtardyń bolashaqtaǵy damý strategiiasy tanystyryldy.
Eńbekti qorǵaý jáne ónerkásiptik qaýipsizdik máselelerine erekshe nazar aýdaryldy. Qazirgi óndiristik táýekelder men olardy azaitý sharalary qarastyryldy. Qaýipsizdikti basqarý úshin júieli jáne ujymdyq áreket, sondai-aq árbir jumysshynyń jeke jaýapkershiligi talap etiledi. Bul qaǵidalar 2026 jyly kompaniiada júzege asyrylyp jatqan jańartylǵan Óndiristik qaýipsizdik jáne eńbekti qorǵaý strategiiasynda bekitilgen.
Foto: t.me/kazakhmys_news
Foto: t.me/kazakhmys_news
Jezqazǵan óńiriniń kenishteri jyldy oń dinamikamen bastaǵany atap ótildi. Buǵan ótken jyldyń sońynda jabdyqtarǵa júrgizilgen aýqymdy jóndeý jumysy yqpal etti.
Geologiialyq barlaý salasyna basymdyq berildi. 2026 jylǵa arnalǵan investitsiia maquldandy. Atap aitqanda, shamamen 78 myń qýma metr kóleminde jer ústi burǵylaý jumysyn júrgizý josparlanǵan. Bul 90 jyldan astam ýaqyt boiy igerilip kele jatqan Jezqazǵan ken ornyndaǵy sarqylǵan óndiristik qýatty tolyqtyrýǵa jáne jańa qorlardy ashýǵa múmkindik beredi.
2026-2027 jyldary Ońtústik Jezqazǵan, Shyǵys Jezqazǵan jáne Batys kenishterinde jer ústi injenerlik kommýnikatsiialaryn aýystyrý qarastyryldy. Bul shamamen 7 mln tonna kendi igerýge múmkindik berip, geomehanikalyq jaǵdaidy turaqtandyrýǵa jaǵdai jasaidy.
Sonymen qatar óndiristik qýatty qoldaý men damytýǵa arnalǵan investitsiialyq paket maquldandy. Qarajat taý-ken shahtalyq tehnika parkin jańartýǵa baǵyttalady. 40 ózdiginen júretin tehnika satyp alý josparlanyp otyr, sondai-aq qoldanystaǵy mashinalar men statsionarlyq jabdyqtardy jóndeý jáne jańǵyrtý kózdelgen. Jomart, Jylandy jáne Nurqazǵan kenishterinde kúrdeli taý-ken jumysyn júrgizý josparlanýda.
Kezdesý sońynda jumyskerler jer astyndaǵy radiobailanysty jańartý, ózdiginen júretin jáne relstik kólikterdi jańǵyrtý, sondai-aq burǵylaý jabdyǵyn jóndeý máselelerin kóterdi. Usynystardyń bir bóligi investitsiialyq baǵdarlama aiasynda júzege asyrylatyn boldy, al jekelegen másele boiynsha sheshim tehnikalyq aýdit qorytyndysy boiynsha qabyldanady.
Foto: t.me/kazakhmys_news
