QR Ishki ister ministrliginiń tótenshe jaǵdailar komiteti salqyn tsiklonnyń jaqyndap qalǵany jaiynda eskertti, dep xabarlaidy QazAqparat tilshisi.
QR Ishki ister vitse-ministri Iýrii Ilinniń aitýynsha, búgin ministrlikke qarasty Tótenshe jaǵdailar komitetine qatty aiazǵa qatysty shuǵyl aqparat tústi. Osyǵan bailanysty Qazgidromet buqaralyq aqparat quraldary arqyly tiisti xabarlamany taratty.
«Biz taǵy da eskertemiz, salqyn tsiklon jaqyndap keledi. Sonyń saldarynan aiaz kúrt kúsheiip ketedi. Boran bolady. Sondyqtan oblystyq jáne respýblikalyq joldarmen júretin júk kólikteri men avtobýstardyń qozǵalysy shekteletin bolady», - dedi Iu.Ilin Astanada ótken baspasóz máslixatynda.
Osy oraida vitse-ministr qatty aiazda úidi jylytatyn quraldar men peshterdi qaraýsyz qaldyrmaýdy eskertti.
«Sosyn qazir tómen synyptarda oqityn balalarda demalystar bastalyp jatyr. Olardyń barlyǵy úide bolady. Sondyqtan ata-analarǵa óz balalaryn jalǵyz qaldyrmaýǵa keńes beremiz», - dep atap kórsetti Iu.Ilin.
Aita keteiik, búgin QR Ishki ister ministrligi Astanadaǵy qaiǵyly oqiǵanyń mán-jaiyn túsindirdi.
Vitse-ministr Iýrii Ilin bes balanyń ómirin jalmap ketken órttiń aldyn ala sebebin de jariialady.
Ministrlik peshi bar árbir úige arnaiy datchik ornatýǵa keńes berdi.
