Shyǵys Qazaqstan oblysynda Qatonqarai týristik kesheni salynady. Bul týraly QR Ulttyq ekonomika ministri Áset Erǵaliev aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihaty barysynda BAQ ókilderi arab investorlarmen jasalǵan kelisimder qandai salalarǵa áser etindigin surady.
«Elektr energetikasynan basqa aýyl sharýashylyǵy, framatsevtika, týrzim, kólik jáne logistika salalary bar. Agroónerkásip keshenine 50 mln dollardan astam investitsiia tartylady. Jyl saiyn 8 myń tonnadan astam qoi eti shyǵarylatyn bolady. Bul keleshekte elimizde aýyl sharýashylyǵy salasyndaǵy eksportty arttyrýǵa múmkindik beredi. Al týrizm salasyn aitatyn bolsaq, Shyǵys Qazaqstan oblysynda Qatonqarai týristik kesheni salynady. Osy jobaǵa 120 mln dollar investitsiia tartylady. Farmatsevtika baǵytynda arab kompaniialarymen yntymaqtastyq elimizdi qoljetimdi dári-dármekpen qamtamasyz etýge jaǵdai jasaidy. Kólik jáne logistika boiynsha Qazaqstannyń kóterme taratý ortalyqtary jelisin damytýǵa múmkindik beredi. Osy investitsiialyq jobalar azamattarymyzdy jańa jumys oryndarymen qamtamasyz etedi», - dedi ministr.
Aita keteiik, 2021 jylǵy 9-10 qazanda QR Premer-Ministri Asqar Mamin Birikken Arab Ámirlikterine jumys saparymen bardy.
Kelissózder qorytyndysy boiynsha ekonomikanyń basym salalarynda jobalardy damytý boiynsha uzaq merzimdi strategiialyq áriptestik ornatý jónindegi úkimetaralyq kelisimge qol qoiyldy. Qujat QR ulttyq ekonomikasynyń energetikalyq, agroónerkásiptik, kólik-logistikalyq, farmatsevtikalyq jáne qarjy sektorlaryndaǵy jobalardy iske asyrýǵa baǵyttalǵan, investitsiialardyń jalpy kólemi 6 mlrd dollardan asady.
