Meditsina ǵylymdarynyń doktory, professor, joǵary sanatty onkolog, Qazaqstan onkologtary qaýymdastyǵynyń múshesi Raiymqul Qaraqulov onkologiialyq aýrýǵa shaldyqqandar úshin koronavirýs qanshalyqty qaýipti ekenin aitty, dep habarlaidy QazAqparat.
«Qaterli isikke shaldyqqan naýqastar koronavirýs juqtyrsa bul úlken problema. Mundai patsientterdi emdeý óte qiyn. Eń aldymen, qandaǵy virýsty joiý kerek, sodan keiin qaterli isikke qarsy terapiia júrgizý qajet. Eki ádis te adam aǵzasyna agressivti. Qazir koronavirýspen aýyratyn onkologiialyq naýqastardy qalai emdeý kerektigi týraly kóptegen zertteýler bar. Biz emdeý jumystaryn júrgizemiz. Eń bastysy - profilaktikalyq rejimdi saqtaý qajet. Atap aitar bolsam, qoldy jii jýyp, maska taǵyp júrý kerek. Al meditsinalyq personaldyń mindetti túrde qorǵanysh kiimin qoldanǵany abzal», - dedi professor.
Sonymen qatar, ol koronavirýs infektsiiasy onkologiiasy bar naýqastardyń ómirine qaýip tóndiretinin atap ótti.
«KVI qaterligi isigi bar adamdar úshin qaýipti. Bul árine kóptegen faktorlarǵa bailanysty. Munda aýrýdyń satysy men naýqastyń jasy da úlken ról atqarady. Eger metastaza bolmasa, koronavirýsty emdeý de jeńil. Koronavirýs infektsiiasy aýrýdyń tórtinshi satysynda paida bolatyn jaǵdailar da bar. Bul qiyn. Degenmen emdep jazýǵa tyrysamyz», - dep tolyqtyrdy onkolog.
