مەديتسينا عىلىمدارىنىڭ دوكتورى, پروفەسسور, جوعارى ساناتتى ونكولوگ, قازاقستان ونكولوگتارى قاۋىمداستىعىنىڭ مٷشەسٸ رايىمقۇل قاراقۇلوۆ ونكولوگييالىق اۋرۋعا شالدىققاندار ٷشٸن كوروناۆيرۋس قانشالىقتى قاۋٸپتٸ ەكەنٸن ايتتى, دەپ حابارلايدى قازاقپارات.
«قاتەرلٸ ٸسٸككە شالدىققان ناۋقاستار كوروناۆيرۋس جۇقتىرسا بۇل ٷلكەن پروبلەما. مۇنداي پاتسيەنتتەردٸ ەمدەۋ ٶتە قيىن. ەڭ الدىمەن, قانداعى ۆيرۋستى جويۋ كەرەك, سودان كەيٸن قاتەرلٸ ٸسٸككە قارسى تەراپييا جٷرگٸزۋ قاجەت. ەكٸ ەدٸس تە ادام اعزاسىنا اگرەسسيۆتٸ. قازٸر كوروناۆيرۋسپەن اۋىراتىن ونكولوگييالىق ناۋقاستاردى قالاي ەمدەۋ كەرەكتٸگٸ تۋرالى كٶپتەگەن زەرتتەۋلەر بار. بٸز ەمدەۋ جۇمىستارىن جٷرگٸزەمٸز. ەڭ باستىسى - پروفيلاكتيكالىق رەجيمدٸ ساقتاۋ قاجەت. اتاپ ايتار بولسام, قولدى جيٸ جۋىپ, ماسكا تاعىپ جٷرۋ كەرەك. ال مەديتسينالىق پەرسونالدىڭ مٸندەتتٸ تٷردە قورعانىش كيٸمٸن قولدانعانى ابزال», - دەدٸ پروفەسسور.
سونىمەن قاتار, ول كوروناۆيرۋس ينفەكتسيياسى ونكولوگيياسى بار ناۋقاستاردىڭ ٶمٸرٸنە قاۋٸپ تٶندٸرەتٸنٸن اتاپ ٶتتٸ.
«كۆي قاتەرلٸگٸ ٸسٸگٸ بار ادامدار ٷشٸن قاۋٸپتٸ. بۇل ەرينە كٶپتەگەن فاكتورلارعا بايلانىستى. مۇندا اۋرۋدىڭ ساتىسى مەن ناۋقاستىڭ جاسى دا ٷلكەن رٶل اتقارادى. ەگەر مەتاستازا بولماسا, كوروناۆيرۋستى ەمدەۋ دە جەڭٸل. كوروناۆيرۋس ينفەكتسيياسى اۋرۋدىڭ تٶرتٸنشٸ ساتىسىندا پايدا بولاتىن جاعدايلار دا بار. بۇل قيىن. دەگەنمەن ەمدەپ جازۋعا تىرىسامىز», - دەپ تولىقتىردى ونكولوگ.
