Qazaqstandyqtar salyq salý obektileri boiynsha málimetterdi túzete alady, dep habarlaidy "Ult aqparat" Memlekettik kirister komitetiniń baspasóz qyzmetine silteme jasap.
Komitettiń málimdeýinshe, qate eseptelgen salyq nemese menshiginde joq jyljymaly nemese jyljymaityn múlik boiynsha salyq mindettemesin «Salyq ámiiany» qyzmetiniń «Salyq salý obektileri» bóliminde túzetýge múmkindik bar.
«Munda siz ózińizdiń atyńyzda tirkelgen salyq salý obektileri (múlik, jer, kólik quraldary) týraly málimetti kóre alasyz. Salyq salý obektileri boiynsha qate málimetttiń problemasyn sheshý úshin derekterdi túzetý qyzmeti engizilgen. 2020 jyldyń 7 qyrkúieginde kólik quraly salyǵy boiynsha salyq salý obektilerin túzetý fýnktsiiasy iske qosyldy. 2020 jyldyń 11 qyrkúieginde múlik salyǵy boiynsha salyq salý obektilerin túzetý fýnktsiiasy iske qosyldy», delingen habarlamada.
Elektrondy ótinimdi «Salyq ámiiany» arqyly ýákiletti memlekettik organdarǵa (Ishki ister ministrligi Ákimshilik politsiia komiteti jáne «Azamattarǵa arnalǵan úkimet» memlekettik korporatsiiasy» UAO) nysandar týraly aqparatty jańartý úshin berýge bolady.
«Jer salyǵy boiynsha salyq salý obektileri týraly derekterdi túzetý qyzmeti 2020 jyldyń sońyna deiin júzege asyrylady», delingen habarlamada.
