Foto: pexels.com
Májilis Qazaqstan men Qatar úkimetteri arasyndaǵy áskeri yntymaqtastyq týraly kelisimdi ratifikatsiialady. Qujatqa 2023 jyldyń 12 jeltoqsanynda Dohada qol qoiylǵan. Bul týraly Ult.kz habarlaidy.
Kelisimdi ratifikatsiialaý elderimizge áskeri bilim men ǵylym, áskeri meditsina sekildi salalarda yntymaqtastyq ornatýǵa múmkindik beredi.
Sondai-aq áskeri saladaǵy mádeni-sporttyq is-sharalar, bitimgershilik operatsiialarǵa qatysty máseleler boiynsha keńester, jaýyngerlik daiyndyq jáne basqa da baǵyttar qarastyrylǵan.
Qujatty májiliste talqylaý barysynda depýtat Baqytjan Bazarbek suraq qoidy: kelisim ratifikatsiialanǵannan keiin Qazaqstan men Qatar bir-biriniń áskeri poligondaryn paidalanady degen ras pa?
"Kelisimniń 5-babyna sáikes, Qatar men Qazaqstan ózderiniń áskeri poligondaryn paidalana alady. Qazaqstanda áskeri poligondar kóp, biraq Qatarda poligon joq. Jalǵyz nárse – áskeri baza. Aityńyzshy, Qatarda qandai áskeri poligondar bar? Katar Áskeri qyzmetshileri... Olardyń áskeri joq, 80 paiyzy sheteldik áskeri qyzmetshilerden turady, kelisim bekitilgen kezde ol UQShU kelisimimen qalai rezonans týdyrady?"- dep surady Bazarbek.
Qorǵanys ministriniń orynbasary Darhan Ahmediev Qazaqstannyń mundai josparlary áli joq dep jaýap berdi.
"Biz olardyń poligonyn paidalaný maqsatymyz joq, kerisinshe, Qatar áskeri qyzmetshileri bizdiń poligondy paidalana alady. Mundai múmkindik bar, beriledi. Ekinshi suraqqa qatysty qaishylyqtar bolmaidy. Buryn aitylǵandai, 20 elmen mundai kelisimge qol qoiyldy. Sondyqtan mundai másele týyndamaidy", - dedi ministrdiń orynbasary.
Kelisim aiasynda eki memlekettiń ýákiletti organdary áskeri yntymaqtastyqty anyqtaityn, uiymdastyratyn jáne úilestiretin birlesken jumys tobyn qurady.
