Foto:wikipedia.org
2024 jylǵy 20 naýryzda Qazaqstan men Qatar úkimetteri arasynda basym salalardaǵy jobalardy damytý úshin uzaqmerzimdi strategiialyq áriptestik ornatý týraly kelisim Májiliste ratifikatsiialandy, dep habarlaidy "Ult Aqparat".
Bul kelisim elder arasyndaǵy saýda-ekonomikalyq yntymaqtastyqty nyǵaitýǵa jáne Qazaqstan ekonomikasynyń mańyzdy baǵyttaryna jańa kapital tartýǵa múmkindik beredi.
Kelisimniń basty maqsaty — telekommýnikatsiia, qarjy, energetika, munai-himiia jáne basqa da salalarda birlesken jobalardy júzege asyrý bolyp tabylady. Bul jobalar qosymsha investitsiialar tartýdy, infraqurylymdy jaqsartýdy, zamanaýi tehnologiialardy engizýdi jáne jańa jumys oryndaryn qurýdy kózdeidi.
Qazaqstanda qazirgi ýaqytta 9 investitsiialyq joba júzege asyrylýda. Olardyń qatarynda úsh gaz óńdeý zaýyty, «Beineý-Bozoi-Shymkent» gaz qubyrynyń ekinshi jelisi, jańa «Ks-14» kompressorlyq stantsiiasy jáne «Ks-14-Qostanai» gaz qubyry, Qyzylorda oblysyndaǵy elektr stantsiiasy, sondai-aq Ertis ózenindegi sý elektr stantsiiasynyń qurylysy bar.
