Katar amerikalyq McDonnel Douglas F-15 Eagle joiǵyshyn 12 mlrd dollarǵa satyp almaqshy. Bul týraly sársenbi kúni Reuters agenttigi málimdedi, dep habarlaidy TASS.
Agenttiktiń málimdeýinshe, arab memleketiniń qorǵanys ministrliginde AQSh Pentagonynyń basshysy Djeims Mettis jáne Katar ókilderi sársenbi kúni kezdesip, ekijaqty kelisimge qol qoiýǵa tiis bolǵan.
Óz kezeginde ámirlik ókilderi 36 ushaqqa qol jetkizbek. Ótken jyldyń 18 qarashasynda Katarǵa 21,1 milliard dollar turatyn F-15QA markaly 72 joiǵysh ushaq, túrli qosalqy bólshekter men qarý-jaraqtar satylatyndyǵy málim boldy.
McDonnel Douglas F-15 Eagle - Amerikada shyǵarylatyn aýa raiyn talǵamaityn tórtinshi býynnyń taktikalyq joiǵyshy. Ony McDonnell Douglas kompaniiasy 1970 jyldyń birinshi jartysynda jasap shyǵardy. Onyń ár túrinen barlyǵy 1200 dana shyǵarylǵan.
