Qaraǵandy oblysynyń ákimi Jeńis Qasymbek memlekettik qyzmetshilerdiń áleýmettik jelilerdegi paraqshalary keri bailanystyń naqty arnasy bolýyn talap etti, dep habarlaidy "Ult aqparat".
Aimaq basshysy adamdar óz ótinishteri men shaǵymdaryna qatysty naqty sheshimderdiń ornyna, kózboiaýshylyq retinde jazylatyn jaýaphattar alatynyna narazylyq bildirdi.
«Adamdar jazady, biraq reaktsiia joq! Mysaly, turǵyndar aýrýhana janyndaǵy ashyq qudyqqa shaǵymdandy. Olar bul jaǵdai týraly birneshe ret habarlady. Alaida jaltarma jaýaptar ǵana alǵan. Qarapaiym másele úsh aidan soń – oblys ákimdigine shaǵym túskennen keiin ǵana sheshildi. Osyndai is-áreketter «Halyq únine qulaq asatyn memleket» tujyrymdamasyn joqqa shyǵarady. Sizderden árbir ótinishtiń jiti qaralýyn talap etemin», - dedi Jeńis Qasymbek onlain rejimdegi apparat keńesinde.
Oblys ákimi áleýmettik jeliler keri bailanystyń tiimdi arnasy bolýy tiistigin atap ótti.
«Adamdar biýrokratiialyq tosqaýyldarǵa tap bolmai, sizderge tikelei júgine alýy úshin áleýmettik jelilerge shyǵyp otyrǵandaryńyzdy eske salamyn. Kez kelgen ótinishke jaýap berińizder. Eger ózderińiz sheshe almasańyzdar, kómek surańyzdar», - dep atap ótti Jeńis Qasymbek.
