Qazaqstan Prezidenti Qasym-Jomart Toqaevtyń Tájikstan astanasy Dýshanbege eki kúndik jumys saparynyń tolyq videosy jariialandy, dep habarlaidy QazAqparat.
Beinesholýdy Qazaqstan Prezident teleradiokesheni Instagram paraqshasynda bólisti.
Eske sala keteiik, Qazaqstan Prezidenti Qasym-Jomart Toqaev Dýshanbede UQShU men ShYU-ǵa múshe memleketter basshylarynyń birlesken otyrysyna qatysty.
Qazaqstan Prezidentiniń pikirinshe, UQShU men ShYU-ǵa múshe memleketter Aýǵanstannyń jańa biligimen beiresmi dialog qurýǵa bastama jasaǵany jón.
Sondai-aq, Memleket basshysy biyl ShYU úshin erekshe jyl ekenin jáne osydan jiyrma jyl buryn tarihi qadam jasalǵanyn, iaǵni ShYU-ny qurý týraly deklaratsiia qabyldanǵanyn atap ótti.
Qazaqstan Prezidenti HHI ǵasyrdyń basynda negizi qalanǵan Shanhai yntymaqtastyq uiymynyń eýraziialyq keńistiktegi halyqtardyń qaýipsizdigi men ósip-órkendeý jolyndaǵy tiimdi yntymaqtastyqqa degen ujymdyq erik-jigerin búkil álemge tanytqanyn aitty.
