QR Prezidentiniń teleradio kesheni Memleket basshysy Qasym-Jomart Toqaevtyń Koreia Respýblikasyna sapary jaily jańa film túsirdi, dep habarlaidy QazAqparat.
«Qazaqstan men Ońtústik Koreia arasynda strategiialyq seriktestik myǵym irgetasy qalanǵan. Eki eldi tek ekonomikalyq yntymaqtastyq qana emes, sonymen birge kóp jylǵy ortaq tarih ta biriktiredi. Elder bolashaqqa kóz sala otyryp, barlyq saladaǵy yntymaqtastyqty nyǵaitýǵa nietti. Qazaqstanǵa Ońtústik Koreia tarapynan investitsiia kóleminiń arta túsýi buǵan dálel bola alady. Avtomobildiń óndiristik bazasyn qurý, tsifrlyq ekonomikaǵa innovatsiia, mádeni bailanystardy keńeitý – bul «Yntymaqtastyqtyń «samal jeli». Memleket basshysynyń Koreia Respýblikasyna sapary qorytyndysy boiynsha QR Prezidentiniń teleradio kesheni túsirgen jańa filmdi YouTube-arnamyzdan kórińizder», - dep habarlady QR Prezidentiniń teleradio kesheni Facebook paraqshasynda.
