QR Prezidentiniń kómekshisi Murat Nurtileýov Memleket basshysy Qasym-Jomart Toqaevtyń Qytaiǵa saparynyń úsh ereksheligin atady, dep habarlaidy QazAqparat.
«QR Prezidenti QHR Tóraǵasy Si Tszinpin myrzanyń shaqyrýy boiynsha 10-12 qyrkúiekte memlekettik sapar shegip, onyń barysynda birqatar ekijaqty kelissózder ótkizip qaitty. Osy rette, QR Prezidentiniń QHR-ǵa saparynyń úsh ereksheligin atap ótkim keledi. Birinshiden, atalǵan is-shara Memleket basshysynyń Prezidenttik sailaýdan keiingi Qytaiǵa alǵashqy memlekettik sapary, jalpy alǵanda alǵashqy sapar boldy. Qytai tarapy da oǵan úlken baǵa berip otyr. Ekijaqty qarym-qatynastardaǵy basymdyq bar ekendigin sezinip, olar da óz taraptarynan bizben etene jumys isteýge, birge damýǵa, halyqtarymyzdyń igiligi úshin birge jumys isteýge daiyn ekenin rastady», - dedi ol Ortalyq kommýnikatsiialar qyzmetindegi brifingte.
Onyń atap ótýinshe, bul, Nur-Sultan men Beijiń arasyndaǵy qarym-qatynastardyń qazirgi deńgeii jáne mańyzymen qatar onyń bolashaq traektoriiasyn aiqyndaý turǵysynan erekshe basymdyqqa ie ekendigin kórsetti.
«Óz kezeginde, Prezident Toqaev sabaqtastyqty saqtai otyryp, ózara bailanystar men yntymaqtastyqty tyń beleske shyǵarýǵa Qazaqstan múddeli ekenin málimdedi. Aita ketý kerek, qytai tarapy da buǵan úlken mán beretindigin kórdik. Olar bizben saýda-ekonomikalyq qatynastardy, kóliktik, logistikalyq, óndiristik, sonymen qatar jańa baǵyttarda jumys isteýge daiyn ekendikterin rastady», - dedi Prezident kómekshisi.
M.Nurtileýovtiń aitýynsha, ekinshiden, sapar dúniejúzilik saiasat pen ekonomikadaǵa aýmaly-tókpeli kezeńde ótip otyr.
«Bul bizdiń qatynastardyń strategiialyq sipatqa tolyq sáikes ekendigin taǵy da kórsetti. Sáikesinshe, osy tusta eki el liderleri aimaqtyq jáne halyqaralyq máseleler tóńireginde pikir almasty. Ortaq ustanymdaryn, sonymen qatar ózekti problemlalar boiynsha pozitsiialaryn topshylady», - dedi ol.
Úshinshiden, Memleket basshysynyń kómekshisi Prezident sapary Qytaidyń 70 jyldyq mereitoiy qarsańynda uiymdastyrylǵanyna nazar aýdartty.
«Osy qadammen biz Qytaimen dostas halyq ekendigimizdi kórsettik. Tatý kórshilikti kórsettik. Ózara tiimdi yqpaldastyqty ári qarai jan-jaqty bekite túsýge daiyndyǵymyzdy bildirdik», - dedi M.Nurtileýov.
