Memleket basshysy Qasym-Jomart Toqaev BUU Bas Assambleiasynyń 74-sessiiasy aiasynda birqatar kezdesýler ótkizdi. Sapardyń alǵashqy kúniniń beineroligin nazarlaryńyzǵa usynamyz.
Memleket basshysynyń baspasóz hatshysy Berik Ýáli Facebook paraqshasynda Prezident saparynyń alǵashqy kúni týraly beinesholý jariialady.
Aita keteiik, Qazaqstan Prezidenti Qasym-Jomart Toqaevtyń Niý-Iorkke sapary AQSh-taǵy yqpaldy taldaý ortalyǵy sanalatyn «Atlantic Council» («Atlantikalyq keńes») uiymynyń qoldaýymen uiymdastyrylǵan belgili amerikalyq saiasatkerlermen jáne sarapshylar qaýymdastyǵynyń ókilderimen kezdesýmen bastaldy.
Kezdesý barysynda Memleket basshysy Qazaqstan-Amerika qarym-qatynastarynyń qazirgi jai-kúii men damý perspektivalary, syrtqy saiasattyń negizgi basymdyqtary, Qazaqstannyń saýda-ekonomikalyq jáne investitsiialyq áleýeti týraly egjei-tegjeili baiandady.
Sondai-aq, Memleket basshysy «Bloomberg» aqparat agenttiginiń negizin qalaýshy ári iesi Maikl Blýmbergpen kezdesti.Kezdesý barysynda taraptar Qazaqstan men «Bloomberg» aqparat agenttigi arasyndaǵy yntymaqtastyqtyń keleshegin talqylap, álemdik ekonomikanyń kún tártibindegi ózekti máseleleri jóninde pikir almasty.Sonymen qatar, Qazaqstan Prezidenti BUU-nyń Órkenietter Aliansynyń Joǵary ókili Anhel Moratinospen kezdesti.Taraptar ózara is-qimyl perspektivalaryn, atap aitqanda, dinaralyq kelisim men órkenietterdiń jahandyq dialogyn nyǵaitý jaiyn talqylady.Tústen keiin Memleket basshysy BUU Bas Assambleiasynyń 74-shi sessiiasy aiasynda amerikalyq jáne jetekshi transulttyq kompaniialardyń basshylarymen birqatar kezdesýler ótkizdi. Keshkisin kompaniia jetekshilerimen dóńgelek ústel basynda pikir almasý boldy.
Beinerolikti ázirlegen - QR Prezidentiniń teleradiokesheni.
