Foto: Aqorda
Qazaqstan Prezidentin Tokio qalasynyń Haneda halyqaralyq áýejaiynda Japoniianyń memlekettik syrtqy ister ministri Aiano Kýnimitsý qarsy aldy, dep habarlaidy Ult.kz.
Qasym-Jomart Toqaevtyń Japoniiaǵa alǵashqy resmi sapary Imperator Narýhitomen kezdesýden bastaldy.
Prezident qonaqjailyq tanytqany úshin Japoniia Imperatoryna rizashylyǵyn bildirdi.
Memleket basshysy Qazaqstan halqy Kúnshyǵys eliniń tártibi men tabandylyǵyn áýelden úlgi tutatynyn atap ótti. Sondai-aq eki eldi ózara qurmet pen túrli saladaǵy tabysty yqpaldastyqqa negizdelgen baiyrǵy dostyq qatynastar biriktiretinin jetkizdi.
Imperator Narýhito Prezident Qasym-Jomart Toqaevtyń sapary Japoniia men Qazaqstan arasyndaǵy bailanys tarihynda eleýli ýaqiǵa retinde qalatynyn jáne ekijaqty qarym-qatynasty jańa deńgeige shyǵaratynyn aitty.
Memleket basshysy men Imperator ózara yntymaqtastyq máseleleri jáne halyqaralyq kún tártibi jóninde pikir almasty.
