Qazaqstan Prezidenti Japoniianyń premer-ministri Sindzo Abege kóńil aitý jedelhatyn joldady, dep habarlaidy Aqorda.
Memleket basshysy Qazaqstan halqynyń jáne jeke óziniń atynan Kioto qalasynda animatsiialyq stýdiiada bolǵan órt saldarynan kóptegen adamnyń qaza bolýyna bailanysty kóńil aitty.
«Qaza bolǵandardyń týystary men jaqyndarynyń qaiǵysyna ortaqtasyp kóńil aitamyn. Órt saldarynan zardap shekkenderdiń tezirek saýyǵyp ketýine tilektestik bildiremin» delingen jedelhatta.
Eske sala keteiik, Japoniianyń Kioto qalasyndaǵy Kyoto Animation Co. animatsiia stýdiiasynan shyqqan órt saldarynan 33 adam qaza tapqan bolatyn.
