Memleket basshysy Qasym-Jomart Toqaev Resei Prezidenti Vladimir Pýtinmen telefon arqyly sóilesti, dep habarlaidy "Ult aqparat" Aqordanyń resmi saityna silteme jasap.
Áńgimelesý barysynda memleketter basshylary Qazaqstan men Resei arasyndaǵy ekijaqty ári kópjosparly yntymaqtastyqtyń qazirgi jai-kúiin jáne damý perspektivasyn talqylady.
Prezidentter shekara mańyndaǵy óńirlerde oryn alǵan sý tasqyny jaǵdaiyn talqylap, eki el úkimetterine tabiǵi apatqa qarsy kúreste ózara yqpaldastyqty nyǵaitýdy tapsyrdy.
Taraptar eki eldiń qarym-qatynastary dástúrli túrde ári strategiialyq seriktestik rýhynda qarqyndy damyp kele jatqanyn atap ótti.
Sonymen qatar memleketter basshylary aimaqtyq jáne halyqaralyq kún tártibindegi ózekti máseleler jóninde pikir almasyp, aldaǵy kezdesýlerdiń kestesin qarastyrdy.
