© AP Photo / IHA agency
Memleket basshysy Qasym-Jomart Toqaev Túrkiianyń ońtústik-shyǵysynda kóptegen adam shyǵynyna ákep soqtyrǵan jer silkinisine bailanysty osy eldiń Prezidenti Rejep Taiip Erdoǵanǵa kóńil aitý jedelhatyn joldady, dep habarlaidy "Ult aqparat" Aqordanyń resmi saityna silteme jasap.
«Túrkiia Respýblikasynda bolǵan asa kúshti jer silkinisi saldarynan kóptegen adamnyń qaza tapqany týraly sýyt habardy zor kúizelispen qabyldadym. Osyndai qiyn sátte jaqyndarynan aiyrylǵan otbasylarǵa, sondai-aq búkil túrik aǵaiyndarymyzdyń aýyr qaiǵylaryna ortaqtasyp, Qazaqstan halqynyń jáne jeke ózimniń atymnan kóńil aitamyn», – dep jazylǵan jedelhatta.
Sonymen qatar Prezident Qazaqstannyń Túrkiiaǵa tiisti kómek kórsetýge daiyn ekenin jetkizdi.
