Qazaqstan Prezidenti Qasym-Jomart Toqaev Túrkitildes memleketterdiń yntymaqtastyq keńesiniń Bas hatshysy Baǵdat Ámireevti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysyna Uiymnyń qazirgi jumystarynyń negizgi baǵyttary, sonyń ishinde biyl qazan aiynda Bakýde ótetin Túrik Keńesiniń sammitine daiyndyq barysy týraly baiandaldy.
Qasym-Jomart Toqaev uiymǵa múshe elder arasynda ekonomikalyq jáne mádeni-gýmanitarlyq qatynastardy damytýǵa mańyzdy úles qosyp kele jatqan Keńes aiasyndaǵy ózara yqpaldastyqqa Qazaqstannyń dástúrli túrde zor mán beretinin atap ótti.
