Qasym-Jomart Toqaev Qazaqstannyń teatr qairatkerleri odaǵynyń tóraǵasy Tuńǵyshbai Jamanqulovty qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysyna Qazaqstannyń ulttyq teatrlarynyń jai-kúii, kinematografiia salasynyń jaǵdaiy týraly málimet berildi.
Tuńǵyshbai Jamanqulov Qazaqstan Prezidentine óńirlerdegi teatrlardyń shyǵarmashylyq jaǵdaiy, T.Júrgenov atyndaǵy Qazaq ulttyq óner akademiiasyndaǵy jas mamandardy daiyndaý barysy jáne basqa da máseleler týraly baiandady.
Sonymen qatar, kezdesýde Qazaqstannyń teatr qairatkerleri odaǵynyń mártebesin arttyrý máselesi de sóz boldy.
Qasym-Jomart Toqaev teatr jáne kino óneri elimizdiń mádeni-rýhani damýynda airyqsha ról atqaratynyna nazar aýdardy. Sondyqtan, osy salalardyń damýyna erekshe kóńil bólip, árdaiym qoldaý bildiretinin atap ótti.
